وّأًنِ تٌمّرَدِ بَڳُ خِفِوِقِڳٌ .. [ لّأٌ تَبًوّۇۈۉوَحّ ] .. !

ذاب غصن الشمع من لمعة لهب
............وانطفى نورٍ يسمّونه .. " طموح "


مثل خفّاقٍ من الدنيا تعب ..
............عاف حظه ثم حبته الجروح ,,


صاحبي مادمت عايش .. لا تحب
............وين تلقى لك اذا حبيت روح !!



شفني من جرحي تعوّدت العتب
............ماذبحني غير صدقي والوضوح


والزمان اللي لضحكاتي سلب
............عادته يبدا بكل قلبٍ سموح ..


لي ضلوع اوقات تصبح من حطب
............والعيون احيان ماتبكي .. تنوح ..


ضقت في كل الوسيعه والرحب
.............ماالتفت الا وقدامي صروح ,


هذا حالي للفرح أبغَى سبب
............وين ماوديت همي .. مايروح !


صاحبي آخر كلامي .. ب أنسحب
............ب أترك اللي راح وأبداَ بالنزوح ,,


صاحبي خذها نصيحه .. لا تحب
............وإن تمرد بك خفوقك .. [ لا تبوووح ] .. !

ملكتَ اللهجة والإحساس
دمجت الوزن بالمقياس
لكي أسمع ترانيمك
وللمعنى أهز الراس
وأرفقها بإعجابي
لأنّك بالفعل نبراس